Kryetari i Partisë Demokratike, Lulzim Basha deklaroi sonte se nuk ka për të hyrë në zgjedhje me Edi Ramën kryeministër.
I ftuar sonte në studion e emisionit “Opinion”, Basha tha se opozita po përgatitet edhe për zgjedhje lokale, edhe për zgjedhje të përgjithshme, por nuk dha detaje se si do të mundësohen ato pa Ramën Kryeministër.
I pyetur nëse do të hyjë në zgjedhje me Ramën Kryeministër, Basha tha “jo, absolutisht jo”.
Por nga ana tjetër Basha theksoi se Partia Demokratike do të vijë në pushtet me votën e qytetarëve shqiptarë.
Basha: Nuk ka për të pasur asnjë marrëveshje me Edi Ramën. Qëllimi apo objektivi im si kryetar i Opozitës, i Partisë Demokratike dhe i aleatëve tanë është jo thjeshtë largimi I tij si kryeministër, por largimi I tij nga politika dhe dërgimi i tij para drejtësisë.
Partia Demokratike dhe aleatët po përgatiten për zgjedhje, për zgjedhjet lokale, por po përgatiten për zgjedhje të përgjithësime. Qëllimi ynë është që me shumicën e shqiptarëve që nuk e pranojnë dhe nuk e durojnë më këtë gjendje, ti imponojmë një zgjidhje politike vendit. Një zgjidhje që duhet të kalojë apo të tejkalojë gjendjen e grushtit të shtetit ku ndodhemi.
Bejtja: Me Edi Ramën kryeministër?
Basha: Jo,jo. Pa Edi Ramën.
