Deputetët e PD-së i janë bashkuar protestës së banorëve tek “5 Maji”. Në mbështetje të banorëve, kanë shkuar deputeti Klevis Balliu, i cili ka qenë edhe në protestat e banorëve të Astirit, Ervin Minarolli, të dy nga Komisioni i Rithemelimit të PD-së, e ndërsa nga PD-ja zyrtare është parë të jetë deputetja Dhurata Çupi.
Mëngjesin e sotëm, forca të shumta policie rrethuan zonën e “5 Majit” në Tiranë, pasi disa qytetarë po protestojnë kundër prishjes së banesave të tyre. Banorët e zonës i kanë zënë rrugën fadromave të IKMT-së, për të bllokuar procesin e shembjeve në kuadër të procesit të rindërtimit.
