Kryeministri Rama ka reaguar menjëherë në lidhje me deklaratat e PD-së për testimet.
Ai ia bën të qartë PD-së, se nuk është qeveria që vendos sa teste do bëhen në lidhje me personat e infektuar me COVID-19.
Strategjinë e testeve e bën Komiteti Teknik i Ekspertëve. Dhe se qeveria zbaton ato që vendos Komiteti.
Ky reagim pason pas deklaratës së Bashës, i cili është shprehur se numri i ulët i testimeve fsheh të vërtetën dhe kushton jetë. Ndaj qeveria duhet të veprojë tani, sepse do të jetë shumë vonë.
“Testimi masiv është e vetmja mënyrë për të zbuluar sa thellë është futur virusi në familjet tona. Pa testuar, pa gjurmuar, pa izoluar, pasojat do të jenë shumë të rënda! KM po fshihet pas një komiteti teknik, me shpresë që njerëzit mos ta shohin se sa i papërgatitur është. Është përgjegjësi e qeverisë që të mbrojë shëndetin e njerëzve, të pajisë me mjetet e duhura ekipet mjekësore dhe të mbajë në këmbë ekonominë. Sulmet kundër opozitës nuk i fshehin dot dështimet e tij”, tha Basha.
