Partia Demokrate duket se nuk ka arritur të bindë republikanët që të garojnë nën siglën e saj për zgjedhjet e 25 qershorit.
Sipas burimeve brenda Partisë Republikane, kjo e fundit do të regjistrohet e vetme në zgjedhje. Kreu i PR-së, Fatmir Mediu dhe i PAA-së, Agron Duka, pretendojnë më shumë se një vend të sigurt në listën e deputetëve.
Dje Basha arriti marrëveshjen me tre parti politike, PBDNJ, PDK, dhe LZHK, krerët e të cilave janë renditur në listat fituese të Partisë Demokratike, nga të cilët Ndoka garon në Shkodër, Dule në Vlorë dhe Shehi në Tiranë.
