Ditën e sotme në media kanë qarkulluar disa emra, të cilët thuhej se do të ishin pjesë e listave të kandidatëve për deputetë të Partisë Demokratike.
Por, duket se kemi të bëjmë vetëm me hamendësime, pasi burime nga Partia Demokratike kanë hedhur poshtë të gjitha përsiatjet në media lidhur me emrat që kanë qarkulluar së fundmi si ministra teknike, apo dhe emrat e kandidatëve për deputetë.
Sipas këtyre burimeve, ministrat teknikë, që do propozohen nga PD sipas marrëveshjes së 18 majit, do të jenë “gardianë” të zbatimit të marrëveshjes në funksion të garantimit të votës së lirë, përmes luftës ndaj drogës, parave të drogës, krimit, dhe moslejimin e shfrytëzimit të administratës për interesa elektorale.
Gjithashtu, mësohet se nga baza demokrate janë propozuar mbi 1700 kandidatura për deputet përmes një procesi të hapur edhe për qytetarët.
