Procesi i vettingut, edhe pse i votuar nga të gjitha palët në Kuvend, duket se do të hasë pengesa të forta në implementimin e tij. Është shfaqur ngërçi i parë në këtë proces. Anëtarët e komisonit ad hoc, për vlerësimin e kandidatëve që do përbëjnë organet e Vettingut, janë shprehur kundër listave emërore të cilat pasi kanë kaluar filtrin e Avokatit të Popullit, do të vlerësohen nga ky komision.
PD dhe LSI i mbahen të njëjtit qëndrim se, institucioni i Avokatit të Popullit ka vepruar me dy standarde sa i pëkret përzgjedhjes së emrave, duke argumentuar se si të kualifikuarit, ashtu edhe të s’kualifikuarit përmbushnin të njëjtat kritere.
Për Flamur Nokën, përfaqësues i PD-së në komision, “Avokati i Popullit ka zbatuar dy standarde. Kandidatët për komisionet e vettingut ishin në një listë politike. Listat e Ramës për të bërë vettingun janë të papranueshme. PD kërkon të bëhet transparencë me qytetarët. Në listë ka edhe juristë të fabrikave të këpucëve apo avokatë që nuk kanë mbrojtur asnjë çështje. Listat e kualifikuara nga Avokati i Popullit e Rama, janë pa vlerë. Pjesë e listës janë edhe prokurorë e gjyqtarë të PS”, theksoi
Ndërsa anëtari tjetër i komisionit, përfaqësuesi i LSI-së, Luan Rama thotë se të përzgjedhurit në listë janë favorizuar, kundrejt të tjerëve që u penalizuan.
“Kishte dhe ka emra që mund të vlerësoheshin e përfshiheshin në listën e miratuar sepse për fat të keq edhe në seancat dëgjimore, rezultoi se Avokati i Popullit dhe ONM kanë aplikuar dy standarde, sepse nëse një pjesë e kandidatëve e kanë penalizuar për rekomandim negativ për shkak të konfliktit të interesit, të njëjtin standard nuk e ka respektuar për të tjerë kandidatë.
Gjatë punës së këtij komisioni dolën në pah defekte dhe vajtja në votim krijoi mospajtim mes palëve. Puna në komision evidentoi edhe probleme të ligjit. Ligji ka difekte dhe mangësi. Përfaqësues të PS apo PD në këtë komision duhet të ruanin frekuencat e marrëveshjes së madhe së arritur mes Kryeministrit e z.Basha”, tha Luan Rama.
