Ish-deputeti Enkelejd Alibeaj dhe sekretari për çështjet ligjore në PD, Çlirim Gjata, dorëzuan sot në SPAK padinë e tretë për inceneratorët.
Pas kallëzimit për Tiranën, Elbasanin, selia blu ka dërguar një padi për atë të Fierit. Dy përfaqësuesit e PD-së thanë se edhe në këtë skemë janë përfshirë të njëjtët personazhe, që nisin nga kryeministri Edi Rama, ministrat përkatës dhe përfaqësuesit e kompanisë.
“Sapo kemi depozituar kallëzimin penal për inceneratorin e Fierit. Janë bërë si trekëndëshi i Bermudës. E njëjta skemë e zhvatjes së parave të shqiptarëve”, tha Alibeaj.
Nga ana tjetër, Gjata shtoi se këto padi janë trajtuar si “grup i strukturuar kriminal”, “shpërdorim detyre” dhe “pabarazi në tendera”.
