Pas mbledhjes së ditës së djeshme, opozita nisi sot bojkotin e komisioneve parlamentare pas mbledhjes së djeshme ku kërkoi mosbindje civile nga ana e qytetarëve.
Në komisionin e Ekonomisë munguan deputetët e Partisë Demokratike dhe ai i LSI-së, Përparim Spahiu. Por ajo që ra në sy ishte pjesëmarrja e deputetit Edmond Haxhinasto.
Ish ministri i Transporteve i cili është shprehur pro vendosjes së tarifës 5 euro për kalimin në rrugën Durrës- Kukës gjatë kohës që ka qenë në detyrë, ishte i pranishëm kur deputetët socialistë po diskutonin për ratifikimin e dy marrëveshjeve.
Ndërkohë që e njejta situate është përsëritur edhe ne komisionin e Veprimtarive Prodhuese, ku deputetet e PD-se nuk kane qene te pranishëm, ndërsa ai i LSI-se, Robert Bitri po.
Ky i fundit është shprehur edhe kundër thirrjeve te Bashës për mosbindje civile duke thënë se “Basha nuk është kryetar i partisë sime. Unë jam kundër mosbindjes civile”.
