Partia Demokratike ka dalë publikisht me një deklaratë pas fjalës së kryeministrit Rama ditën e sotme.
Në deklaratë thuhet dhe një herë se Edi Rama është autori i masakrës elektorale dhe theksohet se asnjë diversion nuk do të shpërqëndrojë luftën për rikthimin e demokracisë në vend.
Deklarata mbyllet me përmendjen dhe një herë tjetër të togfjalëshit regjimi Rama-Doshi-Rakipi që sipas PD-së përbën emblemën e shkeljeve të 25 Prillit.
Deklarata e Partisë Demokratike
Edi Rama është autori i masakrës elektorale dhe tjetërsimit të vullnetit të shqiptarëve për ndryshim. Me qëllim që të largojë vëmendjen ai vazhdon gënjeshtrat, manipulimet dhe diversionet. Vjedhja e zgjedhjeve nga Rama-Doshi-Rakipi e çuan vendin tonë drejt një masakre masive elektorale, ku viktimat janë qytetarët shqiptarë dhe e ardhmja e tyre. Detyra jonë ndaj shqiptarëve është të qëndrojmë të vendosur dhe të luftojmë fort për kthimin e demokracisë në vend. Asnjë diversion nuk do të na ndalë në këtë betejë, duke filluar me shpalosjen e fakteve, provave dhe të dhënave që dëshmojnë pëmasën e plotë të masakrës zgjedhore nga regjimi Rama-Doshi-Rakipi.
