12 shtetas italian janë arrestuar, pasi dyshohen se janë pjesë e nje grupi të strukturuar kriminal në fushën e trafikut të drogës.
Sipas mediave vendase, grupi kishte për qëllim marrjen e monopolit dhe kontrollit mbi territorin e San Giovanni Galermo dhe Lineri në Catania. Ndërsa mësohet se organizata nuk kishte synim vetëm trafikun e drogës, por edhe pasurimin me mënyra si zhvatja dhe presioni mbi biznesmenë lokalë.
Ata shpërndanin dy lloje drogash: marijuanë dhe kokainë, ndërsa mediat vendase raportojnë se banda e kishte shtrirë aktivitetin edhe në Bari, ku në një rast gjatë hetimeve ishin takuar me dy shqiptarë, të cilëve iu kishin borxhe droge.
Kreu i organizatës besohet se është Orazio Coppola, pjesë e familjes Santapaola-Ercolano. Panë tij qëndronin njerëz që ishin të gatshëm të hidheshin në rrezik për veprimtari të ndryshme ilegale.
