Pavarësia e Kosovës ka bërë bashkë krerët më të lartë të politikës kosovare dhe asaj shqiptare. Kryeministri Rama teksa ka folur në Kuvendin e Kosovës, ka theksuar se Shqipërisë dhe Kosovës i duhet një politikë e jashtme dhe jo vetëm ambasada dhe një përfaqësi e njëjtë.
Ndërkohë kreu i qeverisë shqiptare nuk la pa përmendur edhe një fakt mjaft të rëndësishëm, që shumë shqiptarë e presin me padurim dhe kjo është deklarata se Kosovës dhe Shqipërisë i duhet një president i unitetit kombëtar.
Pjesë nga fjala e Ramës
Kosova dhe Shqipëria do të kenë një politikë të jashtme e jo veç ambasada dhe përfaqësi diplomatike të njëjta, por pse jo, një president, simbol të unitetit kombëtar dhe një politikë kombëtare të sigurisë.
Mbase, ky parafytyrim sot mund të mos jetë i këshillueshëm në rrafshin e racionales, por historia, për të cilën mora leje qysh në fillim për të mos folur sot, na këshillon se çka është e drejtë të ëndërrohet, nuk është e pamundur të realizohet.E ardhmja u takon atyre që i paraprijnë asaj dhe e shkuara e 20 viteve të fundit të këtij vendi, Kosovës, i ka paraprirë falë njerëzve po të këtij vendi, një të ardhmeje që në çdo rast është më e afërt, sesa largësia që shohim sot.
