Kryetari i Partisë Drejtësi, Integrim dhe Unitet, Shpëtim Idrizi ka bërë thirrje për zgjim të ndërgjegjes dhe të detyrimit kombëtar.
Idrizi shprehet se edhe pse sot është dita e Pavarësisë së Kosovës, kryeministri Edi Rama nuk e shpall 17 shkurtin festë zyrtare, duke e etiketuar këtë të fundit si vëllai i presidentit serb, Aleksandër Vuçiç.
Sipas Idrizit, nuk mund të pritet që t’u zgjohet ndërgjegja kombëtare, atyre që i vunë tra dhe i ngritën taksat Kosovës.
”Të zgjojmë tani ndërgjegjen dhe detyrimin kombëtar! Forca Shengeni Kuq e Zi! Sot është dita e Pavarësisë së Kosovës, por Edi Rama, vëllai i Aleksandër Vuçiçit, nuk e shpall 17 Shkurtin festë zyrtare, megjithëse ajo është ngjarja e dytë më e rëndësishme e kombit shqiptar pas shpalljes së pavarësisë së Shqipërisë.
Në fakt, ne nuk presim që atyre që i vënë tra dhe i ngrenë taksat Kosovës, që heqin nga programi i qeverisë Çështjen Çame, t’iu zgjohet ndërgjegjja kombëtare!’’, shkruan Idrizi në rrjetin social, Facebook.