Në prag të finales së Champions League, sulmuesi i bardhezinjve Paulo Dybala ka thënë se Juventusi është në të njëjtin nivel me skuadrën Real Madrid.
Dybala shtoi se të dyja skuadrat futen si të barabarta në finale, ndërsa shtoi se bardhezinjtë po bëjnë maksimumin për të dhënë më të mirën më 3 qershor:
“Të gjithë e dinë që ne jemi në të njëjtin nivel me Real Madridin dhe në finale futemi si të barabartë. Megjithëse e kemi fituar titullin të shtunën, ne do të shkojmë në Bolonja për të fituar sepse një performancë e mirë ndikon në moralin tonë para finales së Championsit. Ne jemi të qetë dhe të uritur për Championsin. Kur kanë mbetur edhe 10 ditë nga finalja ne kemi nisur punën për të përgatitur sa më mirë atë ndeshje. Ne të gjithë besojmë në projektin e Juventusit.”
Bardhezinjtë kanë fituar Kupën e Italisë dhe Scudetto-n e gjashtë radhazi, ndërsa tashmë janë gati për finalen e Champions League, e cila do të zhvillohet në Cardiff.
