Njëri nga zërat kryesorë të lëvizjes kundër Lulzim Bashës në Partinë Demokratike, Astrit Patozi, ka thirrur në ndihmë liderin historik të së djathtës, Sali Berisha për të shpëtuar sipas tij, selinë blu.
Në një takim me mbështetësit e tij në qytetin e Vlorës, Patozi bashkë anëtarët e kryesisë së PD-së kanë kërkuar shkarkimin Bashës. Ndërsa apeloi ndaj çdo demokrati duke përfshirë edhe Berishën që të marrin në dorë fatet e tyre për të shpëtuar nga rrënimi Partinë Demokratike.
“Jo një kandidat, por do ishim 2 dhe ne do i merrnim timonin në mes të ditës Lulzim Bashës. Unë nuk isha i gatshëm ta bëja këtë. Dikush thotë po t’i hyje aty se do të mbështesnim ne, por në rast se ai thotë listat i kam unë, ta dini që ju s’do e keni emrin në listë, do jenë disa të tjerë. Nuk u futa në garë dhe kërkova një garë korrekte e vetmja që do na nxirrte nga koplasi. Ftoj që nga anëtari më i vjetër Sali Berisha të ngrihet, të reagojnë. Të marrim në dorë fatet e PD Më 22 korrik nuk do lejojmë që të rrëmbehet mandati i PD në mes të ditës”, u shpreh Patozi.
https://www.facebook.com/Astrit.Patozi/videos/1499758220084076/
