Koordinatori i partisë Bindja Demokratike, Astrit Patozi, konfirmoi se do të marrin pjesë në zgjedhjet e 30 qershorit. Ai ka sqaruar në një deklaratë për mediat se Bindja Demokratike do të përfaqësohet nga kandidatët e saj në çdo bashki, përveç bashkive ku ka kandidatë të pavarur.
“Nuk garojmë aty ku ka kandidatë të pavarur, pasi i mbështesim ata. Rruga e vetme për të rrëzuar qeverinë është pjesëmarrja në zgjedhje, dhe jo braktisja.
Do t’i mbështesim të gjithë kandidatët e pavarur, pavarësisht raportit me Bindjen Demokratike”, u shpreh Patozi.
