Ish-deputeti i Partisë Demokratike, Astrit Patozi ka ironizuar kryedemokratin Lulzim Basha lidhur me analizën që po bëhet brenda selisë blu.
Sipas Patozit, e vetmja mënyrë që kjo analizë të dalë me sukses është që atë ta bëjë Vilma Nushi, e cila ka marrë koncesionin e “check up-it”.
Patozi jep edhe tre arsyet përse kjo analizë duhet bërë nga Vilma Nushi, teksa shkruan në një postim në Facebook se kjo e fundit ta bën “shpejt, falas, ta nxjerr si ta duash vetë dhe ta njeh edhe qeveria”.
Patozi është një nga figurat e vjetra të Partisë Demokratike, i cili u spostua nga Basha teksa u la jashtë listës së zgjedhjeve të qershorit.
Postimi i Patozit:
ÇOJE PD-në TEK CHECK UP-i i RAMËS
I dashur Lulzim,
Ka vetëm një mënyrë për të dalë me sukses kjo analiza, që ke shpallur se po bëhet në Partinë Demokratike, pas fitoreve të njëpasnjëshme në zgjedhje.
Jepja më mirë ta bëjë Vilma Nushi, e cila ka marrë konçensionin e “check up-it”.
E para, ta bën shpejt, e dyta, ta bën falas, e treta, ta nxjerr si ta duash vetë, por më kryesorja është se ta njeh edhe qeveria.
