Ish-deputeti i PD-së, Astrit Patozi, është vënë në krah të ish-ministrit për Evropën dhe Punët e Jashtme Ditmir Bushati, teksa sot në Kuvend tha se politika shqiptare është në një situatë të paprecedentë, duke iu referuar dorëzimit të mandateve nga deputetët e dy partive parlamentare.
Po kështu, Bushati nuk kurseu një kritikë për të vetët, kur tha se mazhoranca nuk mund të jetë arrogante. “Duke dalë nga Parlamenti, unë jam i bindur që opozita ka dëshmuar një lloj frike dhe një lloj kapitullimi. Por kjo nuk mund të na bëjë ne të jemi arrogantë, nuk mund të na bëjë ne të harxhojmë orë të tëra duke u marrë me protestat e opozitës. Ne nuk mund të biem në kurthin e profecisë vetpërmbushëse. Ne jemi PSSH, ne jemi socialist, demokratë, progresist. Ne duam që të ndërtojmë një shoqëri të drejtë, një shoqëri më të mirë, për fëmijët tanë por edhe për fëmijët e opozitës që mungon këtu në sallë”, deklaroi Bushati.
Teksa e ka ndjekur me vemëndje fjalën e Bushatit, një ndër zërat kritikë nga radhët e së djathtës, thotë se mesazhi i tij është një sinjal pozitiv, se diçka po ndyshon. Fjalimi i Bushatit, për Patozin, nuk është gjë tjetër veçse një shenjë e zbehtë se partitë e shndërruara në kazerma ushtarake, mund të fillojnë e të flasin.
