Kryetari i Partisë “Bindja Demokratike”, Astrit Patozi, ka dhënë vlerësimin e tij lidhur me deklaratën e kreut të PD-së, Lulzim Basha, pas vendimit të Kolegjit Zgjedhor. Në emisionin “Real Story”, ai tha se qëndrimi i kryedemokratit është jashtë kontekstit. Për të, reagimi mbi vendimin e Kolegjit ishte i kotë, dhe se duhej evituar.
“Qendrimi i Bashës me duket jashtë kontekstit. Jam dakord me disa nga deklaratat e tij, por nuk e kuptoj pse i lidh me vendimin e Kolegjit.
Ajo që duhej evituar sot ishte se duhej prekur reagimin e z. Meta, sepse unë kam përshtypjen se ka një lloj konvergjimi mes aksionit të opozitës dhe vendimit të presidentit.
Dhe nëse do të pranohej dekreti nga Kolegji Zgjedhor, nuk e zgjidhte problemin e z. Basha, pasi ai nuk kërkon datë zgjedhjesh, por kërkon të ikë Edi Rama, të mos ketë zgjedhje fare.
Vendime të tilla unë nuk i dua, por kjo është drejtësia jonë dhe kjo është një drejtësi 5-0 që ka marrë dhe herë të tilla”, tha Patozi.
