Ish-deputeti i PD-së, Astrit Patozi deklaroi sonte se Lulzim Basha është në një pikë kritike të karrierës së tij ku nuk bën dot as sikur. I ftuar në studion e emisionit “Studio e Hapur” Patozi deklaron se vetëm frikacaku të vret natën, ai shton se një burrë i fortë dhe trim të thërret e të thotë s’do jesh.
“Pse s’guxon të na ftojë të kthehemi ne Lulzim Basha? Ne Basha na ka vrarë pas shpine pa gjyq, s’kemi pasur debat ne dhe nuk ka lidhje me emra konkrete. Vetëm frikacaku te vret natën se një burrë i fortë dhe trim të thërret e të thotë s’do jesh, është problem mentaliteti,” deklaroi Patozi.
“Ajo që pashë në statut ishin disa koncepte bazë që i kanë të gjitha statutet e botës, dhe s’kishte asgjë të re, për të mos thënë që kishte një moment kur sanksionet ndaj atyre që kishin një mendim alternativ ishin më të forta se ato që kanë aktualisht.
Atë statut e konsideroj kalcifikim të pengmarrës së PD, po përdoret si artificë për të krijuar iluzionin se PD po bën një përpjekje reflektuese pas një periudhe të gjatë regresi, tentohet t’i serviret një psedoreflektim që nuk po ndodh.
Si zgjidhet kush është garancia që nëse ky statut shkelet si i pari, se ne kemi një statut shumë të mirë, por askush se pengoi zotin Basha të kishte zgjidhje personale, marrëveshje dhe liste personale.
Edhe ky statut te ishte me i miri, sikur të ishte më i miri do ishte të prisje 3 vjet Bashën për ta zbatuar, sprova do ishte a do e zbatojë pas 3 vjetësh pa asnjë garanci. Anëtarët e PD-së e kanë me keq sesa të presin edhe 3 vjet Bashën që ta katranosi edhe më keq PD”.
Duke folur për ish liderin e PD, Sali Berisha, Patozi tha:
“Berisha edhe pse ka qenë lider autoritet, me një autoritet të gjithëpranuar, që garantonte një demokraci të brendshme me një stabilitet të garantuar. Basha s’është fare i gjithëpranuar, s’ka qenë kurrë, unë se akuzoj se ka shkelur rregullat e brendshme demokratike, por e akuzoj publikisht për prishjen e normave më elementare që garantojnë një organizatë politike të qëndrojë e bashkuar, gjë që Berisha s’ka guxuar kurrë ta bëjë. Mund të bëje karrierë nëse nuk donte Berisha? Ka pasur në qeverinë e tij dhe kryesi mund të kishte personazhe që s’i kishte qejf fare, por…me të gjitha të mirat e të këqijat e tij s’ka guxuar kurrë të godasë nervin e PD e të prishë ekuilibrat”.
