Kryeministri Edi Rama u shpreh se kur vjen puna tek integrimi evropian i Shqipërisë, të gjithë duhet të jemi bashkë.
Në një moment kreu i qeverisë u ndërpre nga Rudina Hajdari e cila ishte relatorja e mbledhjes. Pas kësaj, Rama iu drejtua Hajdarit me ironi duke i thënë “patjetër zonja Topalli”
“Të gjithë ta dinë, se kur vjen puna për integrimin e Shqipërisë, duhet të jemi të gjithë bashkë. Këtu duhet të ishte edhe opozita. Kjo sepse opozita është alternativa e qeverisë. Përpara 11 vitesh ka qenë një qeveri tjetër që e nisi këtë rrugëtim, tani po nisim ne negociatat, ndërsa anëtarësimin, në të ardhmen mund ta bëjë një qeveri tjetër”, tha Rama.
“Zoti kryeministër, më duket që ta ndërpres fjalën tuaj tashmë”, ndërhyri Hajdari.
“Patjetër zonja Topalli”, tha Rama me ironi.
