Dritan Gina, ish- kryeprokurori i Qarkut të Elbasanit në periudhën e “artë” kur Prokurorinë e Përgjithshme e drejtonte bashkëshortja e tij Rovena Gashi dhe Adriatik Llalla, mësohet se 15 vjet më parë ka qenë ndoshta një nga të vetmit zyrtar të shtetit shqiptar që nuk ka patur asgjë për të deklaruar.
As pasuri, as prona, as para, as sende me vlerë, as binzese apo gjëra të tjera që janë detyrim për ti shkruar në formularët e institucionit që në atë kohë quhej Inspektoriati i Lartë i Deklarimit dhe i Kontrollit të pasurive.
Alpeneës.al i zotëron të gjitha deklaratat e pasurisë së dorëzuara prej tij që nga vitit 2003 e deri më sot, sikundër edhe të bashkëshortes së tij Rovena Gashi. Gjenden shumë gjëra interesonte në to.
Por, ajo më e veçanta ndodhet në fletën e dytë.
Thjeshtë një faqe deklarimi bosh dhe një vizë diagonale si për të thënë që s’kam asgjë për të deklaruar. Si ajo fletë bosh janë edhe nja 6 a 7 të tjera, derisa shkohet në fund të deklarimit, në fletën nr.9 ku shkruhet se prokurori i Prokurorisë së Leshnjes në atë kohë Dritan Gina, kishte vetëm 185 mijë lekë për të deklaruar dhe nga ato, disa i kishte borxh, siç edhe shkruan në kolonën tjetër.
Pra 15 vjet më parë bashkëshorti i zonjë Gashi, ka qenë thjeshtë një prokuror me duar në xhepa. Ndërsa sot bashkëshortja e tij, personazhi më i përfolur i medias për shkak se është në qendër të skandalit të mosdeklarimit të të paktën 16 pronave, një pallati në plazh, 14 apartamenteve tek Shkembi i Kavajës dhe i dy godinave biznesi, ku vetëm njëri është rreth 4000 metra katrorë ndërtim dhe 2000 metra tokë në një vlerë që i kalon 2 milionë eurot.
Kjo është metamorfoza që ka pësuar familja e çiftit më të përfolur të prokurorëve në Shqipëri. Nga zero tek miliona eurot për të cilat ish- ministri i Drejtësisë tha se janë marrë nga krimi i organizuar në kompensim të mbylljes së dosjeve për ta.
Por, mos ia hajmë hakun më kot: Të paktën 15 vjet më parë, ndryshe nga z. Gina, zonja Gashi siç u mësua nga një shkrim tjetër, atë kohë i kishte 10- 15 metra katrorë të një shtëpie 2+1 (i takonin 20% e saj) dhe shkonte në punë me një “Fiat Punto”. Ndërsa sot, z. Gina sipas asaj që kanë shkruar gazetarët, vetëm një orë që mbante në dorë rastësisht ditën kur e kanë filmuar mediat, kushtonte 10 500 euro…
