Pas sekuestrimit të pasurive të biznesmenit Ylli Ndroqi, avokati mbrojtës i tij tha në një deklaratë për mediat se hetimet e policisë janë të paligjshme.
Avokati i Ylli Ndroqit, të cilit iu sekuestruan 26 pasuri nga Prokuroria e Posaçme (SPAK), tha se dokumentet kanë parregullsi ligjore dhe se SPAK, sipas tij, ka zhvilluar një hetim inekzistent.
“Ka parregullsi ligjore. SPAK ka dalë në përfundime dhe ka hetuar një hetim që nuk ekziston. Në dokumente kemi vënë re një nxitim për të arritur në vendimin e sekuestros”, tha avokati Alban Qafa.
