Dy persona janë arrestuar sot në Elbasan, pas një hetimi të ndjekur me metoda speciale, në vijim të plan-operacionit “Vjeshtë 2017”.
Në pranga kanë përfunduar shtetasit B.Koçiaj, 63 vjeç, banues në Elbasan dhe A.Koçiaj, 33 vjeç , banues në Elbasan.
Ndalimi i tyre u bë në zbatim të vendimit të datës 14.09.2017 të Gjykatës së Rrethit Gjyqësor Elbasan, e cila ka caktuar masën e sigurisë “Arrest me burg”, për veprën penale të “Pastrimit të produkteve të veprës penale ose veprimtarisë kriminale“, të kryer në bashkëpunim, më shumë se një herë dhe me pasoja të rënda”.
Policia ka shpallur në kërkim dy persona, shtetasit me iniciale I.K dhe O.D. Gjithashtu, sot u bë sekuestro preventive në vlerë të përafërt 15.000.000 lekë.
