Me përjashtim të kushteve klimatike ekstreme, rrugët publike janë zakonisht të përdorshme në çdo orë të ditës dhe natës. Por në Francë ekziston një rrugë e veçantë e quajtur “Passage du Gois”.
Ajo lidh ishullin Nuamutjer me Gjirin Burnёf, 4 km e gjatë. Në dallim nga rrugët e tjera të botës, ajo mund të përdoret vetëm 2 herë në ditë, dhe vetëm për disa orë. Për shkak të baticës detare, pjesën tjetër të kohës rruga zhytet në 4 metra thellësi.
Rruga ka ekzistuar prej shekujsh, por në hartë figuron që nga viti 1701. Ajo përdorej nga njerëzit me kuaj që nga viti 1840, dhe do të shndërrohej në një rrugë me asfalt, kur u shpikën automjetet. Shoferët mund të kalojnë rrugën vetëm 1 orë e gjysmë para, dhe 1 orë e gjysmë pas baticës.
Banorët e zonës i dinë me përpikmëri oraret. Rruga nuk mbikqyret nga asnjë punonjës policie. Ndaj ka ende shumë shoferë që bllokohen në rrugë, për shkak të rritjes së baticave.
Sigurisht në të dyja anët e saj, ajo ka tabela me udhëzime të hollësishme. Ndërkohë përgjatë gjithë rrugës ekzistojnë kulla të larta shpëtimi. Kështu nëse një person kapet në mes të baticës, mjafton që të ngjitet në kullë, dhe të presë të vijnë ta shpëtojnë. Kjo rrugë spektakolare, tërheq çdo vit shumë turistë.
TIRANA TODAY
