Kryesore

Aleati i Bashës zbulon prapaskenat e tryezës me qeverinë


               Publikuar në : 16:34 - 15/01/20 M S

Për Nard Ndokën, takimi i djeshëm për reformën nuk ishte aspak surprizë. I ftuar në studion e lajmeve në “Ora News”, Ndoka tha se ishte diçka proceduriale, që të drejton drejt zgjedhjeve të parakohshme. Një ditë pas marrëveshjes politike që e bën edhe opozitën jashtëparlamentare pjesë të reformës zgjedhore, kryedemokrati Basha tha se asgjë nuk ndryshon nga kërkesat e opozitës së bashkuar, ku më kryesorja është që vendi të shkojë në zgjedhje të parakohshme. Duke qëndruar në të njëjtën linjë, për aleatin e Partisë Demokratike, Nard Ndoka, trysnia kryesore ishte ndaj qeverisë dhe kryeministrit Edi Rama, por kjo nuk e përjashton as opozitën.

“E para, ne kemi një detyrim me ato 9 pikat e Bundestagut gjerman, i ka edhe opozita edhe mazhoranca. Në këtë rast ishte një detyrë për klasën politike shqiptare. Opozita e bëri detyrën e vet, ne ngritëm grupet tona si opozitë e bashkuar, draft propozimet, pra i dhamë jetë asaj detyre që ndërmorëm. Rama u përpoq nëpërmjet akrobacive që të ushtrojë presion. Deklaroi para ca kohësh se do ta miratojë me këta deputetë reformë. Pra ai u rikthye në pjesën e një logjike parlamentare. Në këtë sens, trysnia ndërkombëtare ka qenë në mënyrë të drejtpërdrejtë nga mazhoranca dhe kryeministri Rama. Por kjo nuk përjashton as opozitën në agjendën e vet, kuptohet që ndërkombëtarët ndërhyjnë në të dyja anët e politikës shqiptare, për të dhënë një produkt të besueshëm dhe për të vazhduar më tej me ato detyrat që kemi”.

 

Shfaq Komentet (0)

Shkruaj nje koment

Kthehu
WhatsApp Denonco ne TT