David Icke: Prej 30 vjetësh, unë i kam paralajmëruar njerëzit përmes librave të mi, dhe në çdo mënyrë tjetër që mundem, se kjo botë kontrollohet nga një sekt.
Është një sekt që vepron kudo, kryesisht në vendet e mëdha.
Në fakt në të gjitha vendet, por veçanërisht në ato vende që diktojnë drejtimin e botës.
Ky sekt, është në zemër të sistemit drejtues në Kinë, Amerikë etj. Dhe ajo çfarë unë kam thënë në këto 30 vjet, është se ky sekt dëshiron të krijojë një shtet global përtej atij oruellian, në të cilin pak njerëz kanë nën kontroll gjithë të tjerët.
Dhe kjo është ajo që unë e quaj “Shoqëria e Lojërave të Urisë”. Dhe ju mund ta imagjinoni shumë qartë strukturën e saj.
Në majë të piramidës kemi pak njerëz të pasur, që në fakt janë të lidhur me këtë sekt.
Ne kemi tani një emër për ta: i quajmë 1 Përqindëshi.
Në fund të kësaj piramide të “Shoqërisë së Lojërave të Urisë”, gjendet në thelb pjesa tjetër e njerëzimit, e cila varet nga 1 Përqindëshi. Dhe midis të dyjave, ekziston një shtet i pamëshirshëm ushtarako-policor, që imponon vullnetin e Një Përqindëshit mbi pjesën tjetër të popullsisë, për të parandaluar që kjo e fundit të sfidojë atë.
Dhe kjo “Shoqëri e Lojërave të Urisë”, nuk është një fashizëm klasik, dhe as komunizëm klasik. Edhe pse rezultati në aspektin e tiranisë është i njëjtë.
Kjo lloj shoqërie është një teknokraci, e cila përkufizohet si një shoqëri që kontrollohet nga burokratët, ekspertë, shkencëtarët. Kjo lloj shoqërie, po ndërtohet përmes teknologjisë së zgjuar dhe Inteligjencës Artificiale (AI).
Ideja është se gjithçka do të jetë e lidhur me të, dhe kjo ka të bëjë me Internetin e Gjërave. Dhe nëse dëgjoni marrëzitë që thuhen në ‘Silicon Valley’, rreth vitit 2030, ata do të jenë në gjendje të lidhin trurin e njeriut me Inteligjencën Artificiale.
Kësisoj, kushdo që kontrollon AI, do të diktojë perceptimet e njerëzimit. Dhe kjo mund të realizohet nga një sistem qendror kontrolli, përmes këtij rrjeti inteligjent global.
Prandaj edhe kjo histeri mbi koronavirusin, u jep atyre justifikimin për të bërë atë që po bëjnë. Dhe rezultati dhe pasojat e asaj që po bëjnë, është çmontimi i sistemit ekonomik botëror.
Një element tjetër që kam theksuar. Kjo “Shoqëri e Lojërave të Urisë”, po synon prej kohësh shkatërrimin e biznesit të vogël, madje edhe atij të mesëm. Ajo kërkon ekzistencën vetëm të korporatave gjigante globale, që kontrollojnë dhe prodhojnë gjithçka. Dhe Amazon është një shembull klasik i kësaj që po them. Ajo që po krijon kjo histeri e koronavirusit, është një situatë që shpaloset në të gjithë botën dhe që po shkatërron bizneset familjare, biznesin e mesëm, madje edhe disa biznese vërtet të mëdha.
Po i shkatërron ato. Dhe trashëgimia kryesore dhe afatgjatë e asaj që po ndodh tani, nuk do të ketë të bëjë aspak me shëndetin e njerëzve, por me ekonominë. Do të ketë pasoja katastrofike. Çfarë do të ndodhë me njerëzit, bizneset e të cilëve falimentojnë?
Ajo që do të ndodhë me të gjithë ata njerëz, që deri dje po punonin për këto biznese, në bare, hotele, pra për të gjitha këto biznese që janë në shënjestër. Mos shkoni në punë, mbyllini ato. Ata do të bien në fund të “Shoqërisë së Lojërave të Urisë”. Dhe ajo çfarë shohim tani çdo ditë, është që kjo “Shoqëri e Lojërave të Urisë” po afrohet më afër realizimit, për shkak të asaj që bëhet në emër të mbrojtjes së njerëzve.
Kam një lajm për ju: Sa më thellë që zhyteni në fund të këtij sistemi, aq më pak u ndjen atyre lart për ju dhe gjithë të tjerët.
/TIRANA TODAY
