Tërmeti i mëngjesit të 26 nëntorit ka shkaktuar mjaft dëme në shumë qytete të vendit, duke numëruar edhe viktima.
Mirëpo nga ky tërmet nuk kanë mbetur pa u kursyer as monumentet e kulturës, të cilat kanë marrë dëme të konsiderueshme.
Mësohet se më të prekurat nga tërmeti prej 6.4 ballësh janë kalaja e Krujës dhe ajo e Prezës, ndërsa Ministria e Kulturës ka vendosur që të ndalohet hyrja në këto vende.
Në njoftimin e nxjerrë nga Ministria, theksohet se kjo masë merret për të garantuar jetën e qytetarëve dhe për të mos dëmtuar më shumë monumentet.
“Ministria e Kulturës dhe Drejtoria e Kulturës Kombëtare Tiranë, nuk janë përgjegjëse për çdo pasojë nga thyerja e këtij udhëzimi. Ruajeni jetën tuaj. Ju falenderojmë për mirëkuptimin”, thuhet në njoftim.
