Pas përshkallëzimit të protestave në Irak, kryeministri Adil Abdul-Mahdi do të dorëzojë në Parlament dorëheqjen.
Ky vendim, sipas Adil Abdul-Mahdi, do të shërbejë për të zbutur sadopak kaosin që ka pushtuar vendin prej ditësh të tëra. Mediat vendase raportojnë se në vetëm dy muaj kanë humbur jetën gati 400 persona.
“Do t’i dërgoj parlamentit një memorandum zyrtar të dorëheqjes nga posti i kryeministrit, në mënyrë që parlamenti të mund të vlerësojë vendimet e tij”, thuhet në deklaratën e bërë publike.
Një veprim i tillë nga ana e kryeministrit është pritur me entuziazëm nga protestuesit, të cilët kërkojnë rrëzimin e qeverisë. Pasi e akuzojnë për rritjen e nivelit të korrupsionit, pabarazisë dhe përçarjes ndëretnike.
