Ekspertët britanikë të shëndetësisë kanë paralajmëruar së fundmi mbi pasojat që mund të sjellë një izolim i dytë nga koronavirusi.
Në një raport prej 188 faqesh, ata paralajmërojnë se brenda pesë viteve, 75.000 vetë mund të vdesin prej masave të izolimit. Duke sqaruar në mënyrë më të detajuar, theksohet sesi 16.000 persona humbën jetën vetëm në muajt mars dhe prill për shkak të kaosit në spitale dhe në azilet e të moshuarve.
Nga ana tjetër merret në konsideratë fakti që nga frika e koronavirusit, njerëzit edhe kur kanë probleme të tjera shëndetësore, nuk shkojnë të vizitohen. Kështu 26.000 persona sipas përllogaritjeve, mund të vdesin vetëm për këtë arsye. Gati 32 mijë të tjerë mund të ndërrojnë jetë brenda pesë vitesh për shkak të mosdiagnostikimit të kancerit, për shkak të ndërhyrjeve të anuluara kirurgjikal për këtë sëmundje si dhe pasojat që mund të ketë një recesion mbi shëndetin.
