I ftuar në “Open” në Top Channel, kryetari i Partisë Demokracia Sociale (PDS), Paskal Milo tha se seanca e sotme e Metës në Komision ishte një teatër i ndyrë.
Milo vijoi më tej duke thënë se Kuvendi i ditës së sotme është një turp. Aktorët janë sikur të jenë gjetur nga ‘çufo’ dhe po luajnë një teatër absurd.
Ndërkohë, Enton Abilekaj në “Open” e quajti bosh argumentin e presidentit Meta, sepse përplasja dhe sulmet janë argumente boshe dhe thjesht kanë hapur panik.
Sipas gazetarit, Meta ka vendosur të bëjë një fasadë të këtij regjimi, i cili bëri zgjedhje moniste dhe po merr çdo institucion.
Presidenti Meta tha sot para Komisionit Parlamentar Hetimor të ngritur për kushtetutshmërinë e dekreteve të tij, se dispononte një dokument, të cilin ai nuk mund ta bënte publik, vetëm me lejen e institucionit që e ka prodhuar dhe vetëm nëse anëtarët e Komisionit ishin të gjithë me certifikatë sigurie. Në të flitej se gjatë protestës së opozitës më 8 qershor kur ai bëri publik anulimin e zgjedhjeve të 30 qershorit, do të digjej nga persona të caktuar Parlamenti.
