Historiani Paskal Milo ishte i ftuar mbrëmjen e sotme në emisionin “Real Story” në “News 24”, ku foli ndër të tjera për problemet që mund të hasë kryeministri i Kosovës Albin Kurti në qeverisje.
Ai deklaroi se Albin Kurti e ka të vështirë të zbatojë të gjitha projektet.
“Nuk ka në thelb një ndryshim mes asaj që thoshte Ramushi dhe asaj që thotë sot Albini për reciprocitet. Në thelb është e njëjta kërkesë, por thjesht Albini e thotë në një mënyrë më të kulturuar.
Albin Kurti e ka të vështirë të zbatojë të gjitha projektet si kryetar opozite. Kjo është vështirësia që ndeshet. Qeveria është përballimi i përditshëm edhe me problematika të panjohura.
Mund të ketë proklamuar shumë teza parimore, por kur vjen puna në përditshmëri ka shumë dilema dhe probleme, të cilat duan shumë kujdes”, tha ai.
