Kryeministri aktual i Kosovës Albin Kurti pasi hoqi taksën për lëndën e parë ndaj Serbisë dhe Bosnje e Hercegovinës, ka bërë një ftesë publike. Kjo e fundit është për Serbinë.
Kurti ka ftuar publikisht Serbinë që të ndalojë fushatën për çnjohje.
“Nga 15 marsi do të hiqet tarifa për lëndën e parë që importohet nga Serbia dhe Bosnja e Hercegovina. Kjo, si shenjë për gatishmëri për marrëveshjen ekonomike tregtare me Serbinë. Ftojmë Serbinë që të zotohet që ta ndërpresë fushatën për çnjohjen e pavarësisë së Kosovës”, tha ai.
Kurti shton se vendet e Quintit duhet të dalin garant që fushata e Serbisë për çnjohje të ndalojë.
Kryeministri i Kosovës ka shpjeguar që, nga 15 marsi hiqet taksa për lëndën e parë, ndërsa nëse Serbia tregon frymë të bashkëpunimit, atëherë me 1 prill taksa largohet tërësisht në një periudhë 90 ditore.
