Gramoz Pashko, ishte një nga themeluesit më të spikatur të Partisë Demokratike. Pas fitores së PD në marsin e 1992-shit, Pashko u mënjanua nga qeverisja, dhe në gushtin e atij viti u përjashtua nga partia që vetë themeloi. Në fjalën e tij të fundit në Këshillin Kombëtar ai do të paralajmëronte fatin e zi të PD por mbi të gjitha të Shqipërisë nën drejtimin e Sali Berishës.
“Kam thënë se po instalohet një diktaturë e re! Ju sot po e sanksiononi atë diktaturë. Por mos harroni, se një ditë kjo diktaturë do t’ju përfshijë edhe juve”- u shpreh Pashko. Ai akuzoi direkt Berishën se po krijonte kultin e individit. Pas atij momenti Pashko kaloi në opozitë, më tepër në rolin e një këshilltari teknicien. Në vitin 2004, si shumë te tjerë u kthye kokëulur tek PD-ja e Berishës, teksa një vit më vonë humbi në zgjedhjet parlamentare të 2005-ës. Vdiq në korrikun e vitit 2006 në një aksident tragjik.
