Annegret Kram-Karrenbauer nuk do të garojë për postin e kancelares së Gjermanisë. Karrenbauer në rolin e kryetares së Unionit Kristian-Demokrat vlerësohej si favorite në garën e ardhshme.
Lajmi është bërë i ditur nga mediat vendase. Sipas tyre arsyeja e tërheqjes nga gara është vështirësia që kjo e fundit ka hasur për të ndërtuar një profil politik të përshtatshëm për kancelare.
Pengesë duket se është bërë pikërisht Merkel. Sipas “The Guardian” Karrenbauer ka ngelur në “hije” para madhështisë së Merkel.
Nga ana tjetër, pavarësisht fitoreve të zgjedhjeve të partisë së pushtet, Karrenbaur ka hasur edhe në rezistencë të madhe brenda partisë. Ajo ende nuk ka arritur të unifikojë dhe kontrollojë plotësisht partinë e saj.
Pas ngjarjeve në landin e Tyringjisë javën e kaluar, ku një kryeministër liberal (FDP) u zgjodh me votat e partisë populiste të djathtë, AfD dhe u dorëhoq pak ditë më vonë, kryetarja e partisë kristian-demokrate, CDU, Annegret Kramp-Karrenbauer ndeshi në kritika të forta që vunë në dyshim autoritetin e saj.
