Disa muaj më parë, qeveria me një vendim hoqi pasaportat e shërbimit për shumë zyrtarë, konsuj, diplomatë dhe gjyqtarë.
Pas këtij vendimi, një pjesë e gjyqtarëve ngritën padi ndaj Ministrisë së Jashme dhe Këshillit të Ministrave. Sakaq, mësohet se Gjykata e Apelit Administrativ ka pushuar padinë e ngritur me argumentin se: “kjo padi është kompetencë e gjykatës kushtetuese dhe jo e tyre”.
Në dokumentin e publikuar nga report TV, deri në rekursin e çështjes në gjykatë kushtetuese gjyqtarët nuk do kenë mundësi t’i përdorin pasaportat e tyre të shërbimit.
Ky vendim pushimi është firmosur nga relator Amarildo Laçi, anëtare Alkelina Gazidede, Bari Shyti, Arjan Qafa dhe Lindita Sinanaj.
Ky vendim është marrë më 27 dhjetor 2019 ndërsa rezulton se seanca e gjyqtarëve me qeverinë ka nisur me një orë vonesë për shkak se trupi gjykues ka qenë i përfshirë në një tjetër proces.
