Një ditë më parë, kryeministri Rama paralajmëroi një aksion të gjerë në vijën bregdetare. Ai iu bëri thirrjeve subjekteve që të lirojnë sa më parë hapësirat publike e zaptuara pa leje, ose në të kundërt do t’i konfiskohen çadrat e shezlonget.
Pas urdhrit të Ramës, ka nisur aksioni policor për lirimin e hapësirave publike në plazhin e Durrësit. Aktualisht janë sekuestruar shezlongët dhe çadrat e tre subjekteve.
Aksioni po zhvillohet nga Ura e Dajlanit tek Iliria, si dhe nga Përroi i Agait deri te Shkëmbi i Kavajës. Aksioni i policisë është në zhvillim e sipër, për të gjitha ato subjekte që kanë zënë territor plazhi pa leje zyrtare. Ky aksion vjen pas konflikteve të zhvilluara mes pronarëve të bizneseve, të cilat janë përshkallëzuar deri në përplasje me armë.
