Prokurori i Përgjithshëm i Shteteve të Bashkuara Jeff Sessions po u bën thirrje prokurorëve federalë që të kërkojnë dënim me vdekje për disa raste që lidhen me drogat.
Direktiva e zotit Session, e përfshirë në një memorandum që ai i ka dërguar 93 prokurorëve, orjenton dënimin me vdekje për të ashtuquajtur “bosa të drogës”.
Tre ditë më parë presidenti i SHBA-ve, Donald Trump tha se Amerika “duhet të tregohet më e ashpër” me trafikantët e drogës dhe masat duhet të përfshijnë përdorimin e dënimit me vdekje.
Ai e paraqiti planin për të luftuar varësinë vdekjeprurëse nga opioidet në një fjalim që mbajti të hënën në Mançester të shtetit Nju Hempshër, shtet ku përdorimi i drogave është tepër problematik(lajmin e plotë lexoje këtu).
Po ashtu, atje theksohet kërkesa e Presidentit Trump për dënim me vdekje, si pjesë e fushatës së tij kundër epidemisë së opioideve në Shtetet e Bashkuara.
Ekzekutimet Federale janë diçka jashtëzakonisht e rrallë në Shtetet e Bashkuara, që nga viti 1960 ka patur vetëm tre të tilla.
