Greqia u godit sot nga një tërmet me magnitudë 6 ballë të shkallës rihter. Lëkundja u ndje rreth orës 15:50 në kohën lokale, në jug të Kretës, 97 kilometra në jug të Lerapetra.
Mirëpo mediat fqinje raportojnë se 10 minuta pas lëkundjes së parë, Greqia është goditur edhe nga dy paslëkundje të tjera.
Mësohet se e para ishte 4.4 ballë e shkallës rihter dhe u regjistrua 102 km në juglindje të Lerapetra, me një thellësi prej 10 km. Ndërsa lëkundja e dytë ishte me një intensitet prej 4.8 ballësh dhe u regjistrua 122 km në jug të Arvi.
Raportohet se lëkundjet e tokës janë ndjerë edhe në Athinë dhe në brigjet e shtetit të Izraelit. Ndërkohë autoritetet vendase kanë lëshuar paralajmërimin për tsunami.
Ende nuk ka raportime për të njerëz të lënduar apo për dëmtime fizike.
