Kryetari i Partisë Demokratike, Lulzim Basha ka zhvilluar një takim në rezidencën e ambasadorit Italian në vendin tonë.
Në një dalje për media bëri të ditur se çfarë diskutoi me ministrin italian, duke kujtuar se takimi mes tyre u mbajt larg syrit të mediave ka zgjatur rreth 30 minuta dhe pjesë e bisedës besohet të ketë qenë trafiku i drogës, dosja “Habilaj” dhe akuzat për Sajmir Tahirin.
Por Basha për media u shpreh:
“Falënderova për kontributin e Italisë kundër krimit dhe trafikut, bashkëbiseduam për gjendjen kritike të luftën kundër krimit të organizuar në vend dhe mora garanci se Italia do të ndihmojë në këtë luftë për të dalë nga gjendja e rëndë e trafikut të drogës. Unë vlerësoj mesazhin e ministrit për goditje e organizatave të mëdha të trafikut dhe të të paprekshmëve, mesazh domethënës që tregon se Italia ka përkushtim serioz në këtë ndihmë. E sigurova se PD, unë dhe opozita do të vazhdojmë betejën tonë që në vend të mos ketë organizata që bëjnë ligjin, mos të ketë të paprekshëm”.
I pyetur nga gazetarët nëse diskutuan për çështjen Tahiri, Basha u shpreh “nuk bëj komente për çështje të veçanta. Nuk kam komente”.
