Gonzalo Higuain me shumë mundësi do të largohet nga Juventusi, dhe e ardhmja e tij pritet të jetë tek Roma. Sipas asaj që shkruan “Calciomercato.com”, sulmuesi argjentinas ka vendosur të dëgjojë ofertat e klubit verdhekuq. 31-vjeçari deri më tani kishte refuzuar çdo ofertë në drejtim të tij, por duket se tani është i hapur për të nisur bisedimet.
Roma ka rënë dakord me Juventusin për huazimin e sulmuesit për një sezon, me detyrim blerjen e tij në fund të sezonit për 36 milionë euro.
Argjentinasi do të përfitojë 5 milionë euro në sezon tek skuadra e re, dhe do të firmosë një kontratë 4-vjeçare. Pas huazimit tek Milani dhe tek Çelsi, tani Higuain do të nisë një aventurë të re tek kryeqytetasit italian.
