Lobimi i Partisë Demokratike në SHBA dhe lidhja me rusët vazhdon të publikohet nga mediat ndërkombëtare. Kësaj here është një media gjermane, e cila i referohet revistës amerikane “Mother Jones” duke bërë publike lidhjet e Bashës me biznesmenët rusë.
Portali Krautreporter është i specializuar për hulumtime dhe kërkime në fushën e medias, por si kryefjalë të tij ka edhe shkrimet e reportazhet me subjekt të thellë.
Akuzat e shkruar nga revista amerikane janë hedhur poshtë nga radhët e PD-së, me arsyetimin se ky është një shkrim i paguar nga kryeministri Rama. Por, ky i fundit ka kërkuar që Lulzim Basha duhet të shkojë urgjentisht në prokurori për të dëshmuar mbi këto akuza.
Sipas Ramës, nëse kjo do të ishte e vërtetë, do të cilësohej si një grushtim i interesit kombëtar, pasi zgjatja e rusëve në Ballkan përbën një kërcënim serioz për të gjithë gadishullin.
Edhe kryeprokurorja Arta Marku një ditë më parë deklaroi se në tryezën e prokurorëve është edhe dosja e PD-së, e cila po hetohet për lidhjet e mundshme me rusët dhe financimet e tyre. TIRANA TODAY
