Presidentja e KE-së, Ursula Von der Leyen është shprehur se solidariteti dhe bashkëpunimi do e shërojnë më shpejt shoqërinë nga kriza e koronavirusit.
Pas Samitit të Zagrebit, Von der Leyen reagoi me një postim në Twitter, duke shkruar se ky samit tregoi se “jemi më të fortë së bashku”.
Ajo deklaroi se Ballkani Perëndimor i përket BE-së, teksa i bën thirrje qeverive të zbatojnë reformat dhe të garantojnë lirinë e mediave.
“Samiti i sotëm i Zagrebit BE-Ballkani Perëndimor ka treguar se ne jemi gjithmonë më të fortë së bashku. Ne do të ngrihemi më shpejt dhe ekonomitë dhe shoqëritë tona do të shërohen më shpejt nga koronavirusi me solidaritet dhe bashkëpunim.
Nuk ka dyshim, Ballkani Perëndimor i përket BE-së. Unë u bëj thirrje qeverive të tyre që të vazhdojnë të zbatojnë reformat, veçanërisht për sundimin e ligjit, luftën kundër korrupsionit dhe garantimin e lirisë së mediave”, shkruan ajo në postimin e saj.
