Ministri malazez i Zhvillimit dhe Turizmit, Pavle Raduloviç, ka dhënë ditën e sotme dorëheqjen pas publikimit të një skandali në media.
Mediat vendase bëjnë me dije se dorëheqja e tij ka ardhur pas publikimit në një stacion televiziv të një videoje, ku dy inspektorë janë të përfshirë në një aferë korrupsioni. Mësohet se kjo është hera e parë që një ministër i Malit të Zi jep dorëheqjen për një çështje korrupsioni.
“Askush nuk më ka sugjeruar të dorëhiqet, ky është pasqyrimi i mendimeve të mia personale për këtë çështje, etika duhet të ekzistojë në punë dhe në administratën shtetëror”, deklaroi ministri në një konferencë shtypi.
Në video shfaqen dy funksionarët që diskutojnë për një ryshfet, për të lejuar një biznesmen të të vazhdonte ndërtimin e një ndërtese në zonën turistike të Budvës. Pavarësisht se lejes së tij i kishte kaluar afati. Pavle Raduloviç deklaroi se para publikimit të videos, ishte ndërmarrë një procedurë disiplinore kundër dy inspektorëve
