Pas protestave të përditshme tashmë, banorët e Astirit ndërmarrin një tjetër hap për të kundërshtuar nxjerrjen në mes të rrugës.
Ata po nënshkruajnë një peticion, drejtuar institucioneve kryesore, si Avokatit të Popullit, Kryeministrit, Ministrit të Infrastrukturës dhe Energjisë, Presidentit, Ambasadorit të BE-së, Kryetarit të Parlamentit dhe deputetes Blerina Gjylameti.
Në këtë peticion, banorët e Astirit që preken nga projekti i Unazës së Re, rendisin kërkesat e tyre në lidhje me prishjen e banesave.
Banorët kërkojnë që:
-Mos nxirren në mes të katër rrugëve pa u dëmshpërblyer;
-Pa patur sqarime për projektin që do të zhvillohet dhe mënyrën selektive të prishjeve;
-Dëmshpërblimi 100% me çmimet e tanishme të tregut.
-Të dëmshpërblehen në mënyrë të barabartë ata që janë legalizuar dhe ata që nuk janë të legalizuar; kemi dhënë kontributin tonë në 25-vite.
Po ashtu, ata shprehen se janë dakord për ndërtimin e Unazës së Re, por duan dëmshpërblim të drejtë, duke kundërshtuar kështu pagesën vetëm të një viti të qirasë së tyre.
