Pas mbledhjes së grupit parlamentar, kreu i PD-së, Lulzim Basha ka ndryshuar mendim lidhur me bojkotin e zgjedhjeve parlamentare të 18 qershorit.
Pak javë më parë Basha deklaroi hapur nga “Çadra e Lirisë” bojkotimin e zgjedhjeve si ato vendore në Kavajë, ashtu edhe ato të përgjithshme të 18 qershorit; Basha rithekson: Jo zgjedhjeve fasadë, bojkotojmë votimin me protestën në Kavajë; Basha, Ramës: Nuk e duam KQZ-në. Nuk regjistrohemi në zgjedhje. Zgjidhja është largimi yt.
Por, pas diskutimeve të shumta me deputetët e tij, duket se Basha i është nënshtruar presionit të kundërshtarëve të tij brenda partisë që të marrë pjesë në zgjedhje pasi veprimi i kundërt do ishte asgjësim për këtë forcë politike
Duke folur para medieve, pas mbledhjes së grupit parlamentar, Basha shpjegoi se “opozita nuk do të kërkojë dhe nuk do të pranojë asnjë lëmoshë nga mazhoranca. Kjo nuk bëhet për karriget tona por që qytetarët të zgjedhin të lirë nga kartelet e drogës. PD kurrë nuk ka marrë dhe nuk do të marrë kurrë një vendim për bojkot të zgjedhjeve. PD po kërkon të marrë pjesë në zgjedhje. Përpjekja jonë është për të marrë pjesë në zgjedhje, por jo për votime fasadë dhe moniste. Votime pa opozitën nuk mund të ketë.”, u shpreh Basha.
Kryedemokrati shpjegoi edhe kritikat e deputetes Majlinda Bregu në adresë të tij, kur theksoi se ajo është keqkuptuar mbi qëndrimin e opozitës për pjesëmarrjen në zgjedhjet e qershorit “Është shprehur një mendim nga një anëtare e grupit parlamentar e PD, i bazuar në një premisë të gabuar për mospjesëmarrje në zgjedhje”, tha më tej Basha.
