Arkimed Lushaj ose i njohur ndryshe si Stresi, i dha fund marrëdhënies me partneren e tij, Keisin, vetëm një muaj pasi ai doli nga burgu.
Menjëherë pas kësaj, ata i hoqën të gjitha fotot me njëri-tjetrin dhe nuk ndiqeshin më në Instagram duke u kthyer në kryefjalën e mediave rozë për ditë me radhë.
Ndërkohë, pak ditë më parë, Keisi u largua për në Kanada, por kjo nuk i ndaloi ata të dy të bënin herë pas here dedikime të fshehta për njëri-tjetrin.
Por Stresi si duket tani ka marrë vendimin e papritur. Ai ka vendosur ta bëjë privat profilin e tij në Instagram, duke mos i lënë mundësi Keisit të shohë aktivitetin e tij.
Mesa duket, zënka mes tyre paska qenë vërtetë e fortë, megjithëse ende nuk kemi mësuar asnjë motiv të ndarjes së çiftit.
