Ka përfunduar mbledhja e grupit të PD. Mësohet se në qendër të diskutimit kanë qenë dy çështjet, për mandatin e kryeprokurorit Llalla dhe veprimi në komisione. Opozita ka fokusuar diskutimet në aksionin e përbashkët opozitar kundër qeverisë Rama.
Në një dalje për media kreu i PD-së Lulzim Basha është shprehur se: “Më lirë blihet kanabis se sa çaji i malit. Ky vendi është kthyer në narko-shtet dhe përgjegjësia për këtë është vetëm e Edi Ramës” tha Basha. “Zgjidhje është largimi i Ramës, që të shembë lidhjet e politikës më krimin dhe këtë nuk e bënë Rama me planet sekret. Plani sekret që di Rama nuk është më plan sekret. Rama duhet të jepte dorëheqjen, do të zgjerojmë koalicionin me çdo faktor politik dhe jo politik. Qeveri anti-mafia për të realizuar reformën zgjedhore. Kemi një strategji e cila po shpaloset ditë pas dite. Kjo javë që ka nxjerrë në pah edhe trafikun e parave cesh të trafikut të drogës është një javë përballje totale e opozitës në komisionet parlamente, sikur do të vijojë edhe ditën e enjte në Kuvend. Mandati i kryeprokurorit është zbatimi i ligjeve dhe çdo hap për të vendosur kthetrat e narko-mafies do të përballet me opozitën. Rama ka hallin e Tahirit dhe të tjerëve dhe në funksion të ndalimit. Qëndrimi ynë është respekti i plotë për ligjet e reformës në drejtësi, nuk do të lejojmë kapjen e prokurorisë’ tha ai.
