Pas, sekuestrimit të 5 tonë marijuane nga Guardia di Finanza dhe policia e Catanzaros, Romë, një tjetër sasi e konsiderueshme droge është kapur në Igumenicë, ku në pranga ka rënë skafisti shqiptar, që drejtonte gomonen.
Sasia e lëndës narkotike të sekuestruar është 424 kg, e llojit marijuanë. Droga po dërgohej me gomone drejt Greqisë, e cila drejtohej nga një 42-vjeçar shqiptar.
Gomonia me droge është kapur në plazhin e Platarias ne Igumenicë. Operacioni është zhvilluar pas mesnate. Shqiptari, identiteti i të cilit nuk është bërë ende i ditur, sipas policisë është kapur teksa tentonte të nxirrte drogën nga gomonia e ta hidhte në breg.
Ndërsa nga operacioni i zhvilluar në Itali, mësohet se deri më tani janë arrestuar 25 persona, ku mes tyre janë 3 personat të cilët mendohet se drejtonin rrjetin e drogës.
Mësohet se droga vinte nga Shqipëria, shkruajnë mediat italiane. Detajet e operacionit do jepen gjatë një konference shtypi në orën 9.45. TIRANA TODAY
