Moderatorja e njohur Jonida Vokshi ka dhënë lajmin e papritur, se nga tani e tutje, ajo nuk do jetë më pjesë e platformës Digitalb.
Jonida e ka bërë të ditur këtë lajm, përmes një postimi në Instagram, ku ka shpërndarë një spot të vjetër të saj për këtë platformë.
Krahas videos moderatroja rendit arsyet profesionale dhe personale për këtë vendim, ndërsa shprehet se shumë shpejt do ta shohim në projekte të reja, që me siguri do të jenë në fushën e kinematografisë.
Ndërkohë, Jonida Vokshi pritet t’i japë fund beqarisë këtë shtator me partnerin e saj, aktorin kosovar Besnik Krapi.
Statusi i plotë i Jonidës:
Zgjodha këtë spot, sepse nga më shumë se 60 që kam realizuar për DIGITALB, ky është më i dashuri për mua.
Ndërsa, ky postim ndër më të vështirët dhe më të rëndësishmit që kam bërë për ju.
Projektet afatgjatë që kam përpara, në rrafshin profesional dhe personal kanë bërë që unë nga shtatori e tutje të tërhiqem nga DIGITALB – shtëpia ime për dhjetë vitet e fundit.
Ky nuk ka qene një vendim i lehtë për mua.
Nga zemra falenderoj secilin bashkëpunëtor në DGA për një rrugëtim të paharrueshëm të përbashkët dhjetëvjeçar. Të mbushur me vlera artistike, mbështetje profesionale dhe plot gjëra të tjera të bukura, sa edhe ky spot.
Mbase një ditë do jemi bashkë sërish, por deri atëherë unë kam vendosur të vazhdoj me projekte të tjera të cilat shumë shpejt do t’i kuptoni.
Në fund, ju falenderoj JUVE që keni qenë me mua dhe më keni përkrahur dhe shkruar pa fund përgjatë këtij rrugëtimi. JU FALEMINDERIT ndjekës e miq të mite Ju ftoj në rrugëtimin tim të ri duke ju premtuar gjëra edhe më të bukura!
https://www.instagram.com/p/B0_j2vcjJLb/?utm_source=ig_web_copy_link
