Pas debatit mediatik që përfundoi në gjyq, Soni Malaj dhe Olti Curri kanë vendosur që të bëjnë paqe bashkë, dhe madje të lënë pas mëritë e të shfaqen në publik.
Në një intervistë për “Pushime on Top”, Olti Curri u shpreh me shaka se flet me të gjithë personazhet e show bizz-it shqiptar. “Unë flas me të gjithë, madje surpriza e surprizave këtu është Soni Malaj, me të cilën kemi patur diçka të vogël”, tha ai.
Zënka mes tyre e ka zanafillën në qershor të 2016-s, ku këngëtarja ngriti një padi kundër Oltit, pas pretendimeve se ky i fundit e kishte ofenduar përmes një statusi të bërë në profilin e tij në Facebook.
